२६औँ विश्व दूध दिवस आज विभिन्न कार्यक्रमसहित मनाइँदै

२६ औं विश्व दूध दिवस आज विभिन्न कार्यक्रम आयोजना गरी मनाइँदै छ । 

विश्वमा दुग्ध क्षेत्रले पोषण तथा खाद्य सुरक्षा एवम् जीविकोपार्जनमा पु¥याएको योगदानको कदर गर्दै दूधको उपभोगमा वृद्धि गर्न संयुक्त राष्ट्रसंघको खाद्य तथा कृषि संगठन एफएओले सन् २००१ जुन १ देखि विश्व दूध दिवस मनाउन थालेको हो । आम जनताबीच दूधको उपभोग गर्न चेतना फैलाउने उद्देश्यले नेपालले पनि सन् २०११ देखि विश्व दूध दिवस मनाइँदै आएको छ । दुग्ध विकास बोर्डका अनुसार नेपालको अर्थतन्त्रमा दुग्ध क्षेत्रको योगदान अत्यन्त महत्वपूर्ण रहेको छ । कुल कृषि गार्हस्थ्य उत्पादनमा पशुपालन क्षेत्रको योगदान करिब २५ प्रतिशत रहेको छ । जसमा दुग्ध मुख्य क्षेत्र हो । आर्थिक वर्ष २०८१÷८२ को तथ्याङ्क अनुसार नेपालमा वार्षिक २७ लाख १८ हजार १ सय ७७ मेट्रिक टन दूध उत्पादन भएको छ । औद्योगिक विकासतर्फ नेपालमा हाल काभ्रेपलाञ्चोक, विराटनगर, चितवन, पोखरा, भक्तपुर, सुनसरी र हेटौंडा लगायतका ९ वटा स्थानमा धूलो दूध कारखाना सञ्चालनमा रहेका छन् ।