प्रधानमन्त्री बालेन्द्र साहको स्पष्टोक्ति : सीमा विवादमा तेस्रो पक्षको मध्यस्थता आवश्यक छैन

काठमाडौँ, असार ७- प्रधानमन्त्री बालेन्द्र साहले नेपाल–भारत सीमा विवाद समाधानमा कुनै तेस्रो पक्षको मध्यस्थता आवश्यक नरहेको स्पष्ट पारेका छन् । उनले नेपालले आफ्ना छिमेकीहरूसँग प्रत्यक्ष संवाद र प्रमाणका आधारमा नै समस्या समाधान गर्ने नीति लिएको बताए । 

चितवनको भरतपुरमा जारी राष्ट्रिय स्वतन्त्र पार्टी (रास्वपा)को पहिलो राष्ट्रिय महाधिवेशनको उद्घाटन सत्रलाई सम्बोधन गर्दै प्रधानमन्त्री साहले सीमा विवाद संवेदनशील विषय भएकाले यसलाई कूटनीतिक रूपमा नै समाधान गर्नुपर्ने धारणा राखे । 

उनले  कालापानी र लिपुलेकसँग सम्बन्धित ऐतिहासिक प्रमाण नेपालसँग रहेको उल्लेख गर्दै आवश्यक परे ब्रिटिस शासनकालका दस्तावेजहरू समेत संकलन गरिने बताए । उनका अनुसार नेपालले आफ्ना दाबीहरू प्रमाणका आधारमा स्पष्ट पार्दै छिमेकी मुलुकसँग संवाद अघि बढाउनेछ ।