भोटेकोसी बाढीबारे प्रधानमन्त्री शाहले सांसदसँग छलफल गरे

काठमाडौं , भदौ १० - रसुवाको भोटेकोसी नदीमा आएको बाढीबाट उत्पन्न परिस्थितिबारे प्रधानमन्त्री वालेन्द्र शाहले प्रभावित क्षेत्रका सङ्घीय सांसदहरूसँग छलफल गरेका छन्।

बुधबार सिंहदरबारमा भएको भेटमा रसुवा, नुवाकोट, धादिङ, गोरखा र चितवनका सांसदहरूले बाढीबाट भएको क्षति, तटीय बस्तीको अवस्था तथा उद्धार र राहतका लागि आवश्यक कदमबारे प्रधानमन्त्रीको ध्यानाकर्षण गराएका थिए।

प्रधानमन्त्री शाहले प्रभावित क्षेत्रको अवस्थाबारे जानकारी लिँदै उद्धार, राहत तथा जोखिम न्यूनीकरणका लागि आवश्यक पहल गर्ने विषयमा सांसदहरूसँग परामर्श गरेका छन्।