निःशुल्क कानुनी सहायता विधेयक प्रस्तुत गरेलगत्तै प्रतिनिधिसभा बैठक स्थगित

काठमाडौं  , असोज ८  - प्रतिनिधिसभाको बैठक १५ मिनेटका लागि स्थगित भएको छ।

कानुन, न्याय तथा संसदीय मामिलामन्त्री सोविता गौतमले प्रतिनिधिसभामा निःशुल्क कानुनी सहायता सम्बन्धी विधेयक प्रस्तुत गरेलगत्तै सभामुख डीपी अर्यालले बैठक स्थगित गरेका हुन्।

मन्त्री गौतमले विधेयक प्रस्तुत गरेपछि सभामुख अर्यालले प्रतिनिधिसभाको बैठक १५ मिनेटका लागि स्थगित गरिएको जानकारी गराएका थिए।

बैठक स्थगित हुनुअघि मन्त्री गौतमले निःशुल्क कानुनी सहायता सम्बन्धी विधेयक सभामा पेस गरेकी थिइन्। उक्त विधेयक अब प्रतिनिधिसभाको आगामी बैठकमा थप प्रक्रियाका लागि अघि बढाइनेछ।

सभामुखबाट बैठक स्थगित भएको सूचना जारी भएसँगै प्रतिनिधिसभाको तत्कालीन कार्यसूची रोकिएको छ। १५ मिनेटपछि बैठक पुनः सञ्चालन हुने बताइएको छ।