नारायणी नदी किनारमा ६२ शव फेला, सबैको पहिचान खुल्न बाँकी

काठमाडौं , भदौ ११ - नवलपुरस्थित नारायणी नदी किनारमा बाढीले बगाएर ल्याएका ६२ वटा शव फेला परेका छन्। भोटेकोशी नदीमा आएको बाढीपछि बगाएर ल्याइएका ती शव नारायणी नदी किनारका विभिन्न स्थानमा फेला परेका हुन्।

जिल्ला प्रहरी कार्यालय नवलपरासी पूर्वका प्रहरी नायव उपरीक्षक अनिल पण्डितका अनुसार फेला परेका शवमध्ये २६ पुरुष, १६ महिला, ३ बालक र ७ बालिका छन् । यस्तै, ९ वटा शवको लिङ्ग पहिचान हुन सकेको छैन।

प्रहरीका अनुसार हालसम्म फेला परेका कुनै पनि शवको पहिचान खुल्न सकेको छैन। सङ्कलन गरिएका शवलाई स्थानीय तहअन्तर्गतका अस्पतालमा राखिएको छ भने थप व्यवस्थापनका लागि पोखरा पठाउने तयारी भइरहेको छ।

जिल्ला प्रहरी कार्यालय नवलपरासी पूर्वले बिहानैदेखि शव सङ्कलनको कामलाई तीव्रता दिएको जनाएको छ। शव फेला परेका स्थानमा प्रहरी टोली परिचालन गरी खोज तथा सङ्कलनको काम भइरहेको प्रहरीले जनाएको छ।

बाढीका कारण नदीमा बगाएर ल्याइएका शव थप फेला पर्न सक्ने सम्भावनालाई ध्यानमा राख्दै प्रहरीले नारायणी नदी किनार क्षेत्रमा खोजी कार्य जारी राखेको छ।